"Манчестер Сити" ярим ҳимоячиси Кевин Де Брюйне жамоани тарк этганидан кейин ҳам АПЛда қолиш имкониятини истисно этмаяпти.
“Ҳа, келажагим ҳақида клублар билан музокаралар олиб бормоқдаман, қандай қарор қабул қилинмасин, яхши футбол ўйнашни хоҳлайман.
Мен Англияда қоламанми? Бу менга ким қизиқаётганига боғлиқ.
Менинг оилам, фарзандларим бор, шунинг учун ҳаммага маъқул келадиган қарор қабул қилишим керак", деди Де Брюйне.
Эслатиб ўтамиз, апрель ойи бошида 33 ёшли белгиялик футболчи мавсум якунида "Манчестер Сити"ни тарк этишини эълон қилган эди.
