Килиан Мбаппе тўпурарлар пойгасида Роберт Левандовскидан 4 та голга ўзиб кетди.
Франция терма жамоасининг 26 ёшли форварди Ла Лиганинг 37-турида "Севилья"га қарши сафар ўйинида (2:0) ҳисобни очди.
Жаҳон чемпиони 75-дақиқада Лука Модричнинг узатмасини голга айлантирди. Килиан Примерада кетма-кет 4-ўйинда гол урди - бу оралиқда унинг ҳисобида 7 та гол бор.
Умуман олганда, Мбаппе Ла Лига мавсумида 34 ўйинда 29-голини урди. У тўпурарлар пойгасида пешқадамлик қилмоқда ва Левандовскидан сўнгги тур олдидан 4 та голга олдинда бормоқда. 36 ёшли польяк март ойи охиридан бери чемпионатда гол урмаяпти.
