Амстердамнинг “Аякс” клуби марказий ҳимоячиси Йоррел Хато фаолиятини Англия премер-лигасида давом эттириши мумкин.
Нидерландиялик футболчини сотиб олишга "Челси", "Арсенал" ва "Ливерпуль" клублари қизиқиш билдирмоқда, дея хабар беради журналист Экрем Конур. Инглиз грандларини 19 ёшли футболчининг кўп қирралилиги ўзига тортади: у ҳимоя марказида ҳам, чап қанотда ҳам ўйнай олади.
Жорий мавсумда Йоррел Хато "Аякс" сафида барча турнирларда 50 та ўйин ўтказиб, 3 та гол урди ва 6 та голли узатмани амалга оширди. Машҳур Transfermarkt портали экспертлари ўсиб бораётган юлдузнинг нархини 30 миллион еврога баҳоламоқда.
