Лондоннинг "Арсенал" клуби ярим ҳимоячиси Томас Парти клуб билан шартномани узайтириш борасида музокаралар олиб бормоқда. Бу ҳақда журналист Чарльз Уоттс хабар бермоқда.

Манбага кўра, томонлар ўртасидаги музокаралар жорий ҳафтада фаоллашган. Таъкидланишича, ҳамма трансфер ойнаси очилишидан олдин аниқлик бўлишини истагани учун масалани тезроқ ёпиш ниятида.

Манбанинг таъкидлашича, "Арсенал" ва Парти ўртасида ҳали келишувга эришилмаган, аммо томонлар ҳамкорликни давом эттиришни исташади.

Бу мавсумда 31 ёшли Парти барча мусобақаларда 51 та ўйинда майдонга тушиб, 4 та гол урган ва 3 та голга ҳаммуаллифлик қилган. Футболчининг "канонирлар" билан амалдаги шартномаси 30-июнга қадар мўлжалланган.