"Байер"нинг чап қанот ҳимоячиси Алехандро Гримальдо "Барселона" вингери Ламин Ямалнинг ўйини ҳақида фикр билдирди.
29 ёшли футболчи вундеркинд билан Испания терма жамоасидаги биргаликдаги ўйинлари орқали таниш.
"Ямал дунёдаги энг яхшими? Бу мавсум ҳақида гапирадиган бўлсак, эҳтимол. У ўзини ажойиб тарзда кўрсатди ва "Олтин тўп" учун асосий даъвогарлар учлигига кириши аниқ. Ламин ақл бовар қилмайдиган даражани кўрсатмоқда. У муҳим ўйинларда жуда яхши ўйнарди, доим ҳисобни очарди. Мен уни ўзига хос ўйинчи деб биламан. Унинг ўзига хослигини биринчи бирга ўтказган машғулотдаёқ тушундим," - деди Гримальдо COPE нашрига берган интервьюсида.
