"Барселона" ярим ҳимоячиси Френки де Йонг маош масаласида клубга ён босишга тайёр.
Амалдаги келишув 2026 йил ўрталарига мўлжалланган, аммо томонлар аллақачон янги битим устида ишламоқда. Журналист Лая Туделнинг маълум қилишича, нидерландиялик футболчи "Барселона"да қолишни истамоқда ва керак бўлса, маошини камайтиришга рози бўлади. Футболчи бу ҳақда клуб раҳбариятига маълум қилган.
Френки де Йонг 2019 йилдан бери Каталония гранди шарафини ҳимоя қилиб келмоқда. Жорий мавсумда 28 ёшли хавбек Ханс-Дитер Флик жамоаси сафида барча мусобақаларда 45 та ўйинда майдонга тушиб, 2 тадан гол ва ассист муаллифи бўлди.
