Дани Карвахаль Хаби Алонсо "Реал"га ёрдам бера олади, деб ҳисоблайди.

"Расмий бўлмаса-да, Хаби келади. Хаби бу мавсумда вазиятни ўзгартира оладими ёки йўқлигини вақт кўрсатади, чунки биз учта асосий чемпионликнинг бирортасини ҳам қўлга кирита олмадик. Лекин бу футбол. Якунда, натижалар мураббий ва футболчиларнинг келажагини белгилайди.

Хаби "Байер" билан иккита ажойиб мавсумни ўтказди ва менимча, у жуда яхши натижаларга эришди.

У клубни ҳаммадан яхши билади. У футболчи бўлган, у кўп йиллар давомида жамоа шарафини ҳимоя қилган, Мадрид футболчиси бўлиш нимани англатишини билади. Менимча, бу унинг учун мураббий сифатида ҳам плюс", - деди “Реал” ҳимоячиси.