Мадриднинг "Реал" клуби янги бош мураббийи Хаби Алонсо жамоада "Байер" ярим ҳимоячиси Флориан Вирцни кўрмоқчи.

Мураббий ва "қаймоқранглилар" раҳбарияти жамоага "бокс-то-бокс" эмас, креатив плеймейкер керак деган фикрга келишди. El Mundo хабарига кўра, Алонсо Мадридда Вирц билан яна бир бор учрашишни истамоқда. "Реал" боссларига ҳам 22 ёшли немиснинг номзоди маъқул келмоқда ва агар клублар ўртасидаги жаҳон чемпионатидан кейин мураббий "доришунослар" юлдузини сотиб олиш шарт, деган қарорга келса, Мадрид гранди ҳаракатни бошлайди.

Ҳозирда Флориан Виртцга "Бавария" ва "Ливерпуль" асосий даъвогар бўлиб турибди. Потенциал трансфер қиймати 150 млн еврога баҳоланмоқда.