Лондоннинг "Тоттенхэм" клуби Европа лигаси финалида "Манчестер Юнайтед"га қарши баҳс олиб борди. Унда "шпорлар" 1:0 ҳисобида ғалаба қозониб, совринга эга чиқди.
Ўйин якунлангач, "қизил иблислар" ҳимоячиси Харри Магуайр "Тоттенхэм" футболчиси Кристиан Ромерони туртиб юборди. Инглиз рақибини туртиб, қўлларини фаол ҳаракатлантириб, унга эътироз билдирди. Бу можаро клублар вакиллари томонидан тезда бартараф этилди.
Лондон клуби Европа Лигасидаги ғалаба эвазига Чемпионлар Лигасининг кейинги мавсумига йўлланмани қўлга киритди. Премьер-лигада "Тоттенхэм" сўнгги тур олдидан атиги 17-ўринда бормоқда.
