«Барселона» ҳужумчиси Ламин Ямалнинг агенти Жорже Мендеш футболчининг «Олтин тўп» совринини қўлга киритиши кераклигини таъкидлади.
«Ямал «Олтин тўп»ни қўлга киритиши мумкин бўлган ягона футболчи эканини барча билади. Унинг бошқалардан фарқи жуда катта. Буни мен эмас, бутун дунё гапиряпти. "Барселона" ҳам буни яхши тушуниб турибди», — деб келтиради Мендешнинг сўзларини "Mundo Deportivo".
Аввалроқ Ямал «Барселона» билан шартномасини узайтиришни режалаштираётгани ҳақида хабар берилган эди. Шунингдек, испаниялик ҳужумчининг маоши йилига 8 миллион еврогача ошиши қайд этилган. Ҳозирги пайтда Ямал бир мавсумда 420 минг евро маош олмоқда.
Ямалнинг «Барселона» билан амалдаги шартномаси 2026 йилгача тузилган.













