Саудия Арабистони футбол федерацияси португалиялик Криштиану Роналду тўп тепаётган "Ан-Наср"нинг апелляцияси қаноатлантирилганини маълум қилди. Бу орқали клуб уч очкони қўлга киритади ва 2025/26 йилги мавсумда Элит ОЧЛда иштирок этиш учун даъвогарлик қилиши мумкин бўлади.
Март ойида "Ан-Наср" "Ал-Оруба"га 1:2 ҳисобида ютқазди, аммо кейин рақиблардан техник мағлубиятни талаб қилди: мағлубларнинг сўзларига кўра, дарвозабон Рафи Ал-Рувейли профессионал ўйинчи бўлмагани учун ўйинда қатнашиш ҳуқуқига эга эмас эди.
Саудия Арабистони чемпионатининг сўнгги тури олдидан қўшимча уч очко "Ан-Наср"ни турнир жадвалида учинчи ўринга олиб чиқади: бу ҳолатда у "Ал-Қодсия"дан икки очко олдинда ва иккинчи ўриндаги "Ал-Ҳилол"дан икки очко ортда қолади.
26 май куни "Ан-Наср" "Ал-Фатеҳ" билан, "Ал-Ҳилол" эса "Ал-Қодсия" билан куч синашади. Агар жамоа иккинчи ўринни эгалласа, 2025/26 йилги мавсумда Элит ОЧЛда иштирок этиши мумкин бўлади.
"Ан-Наср" ОЧЛ-2024/25 йилги мавсумида ярим финалга қадар етиб борди ва Япониянинг "Кавасаки Фронтале" клубига ютқазди (2:3).
