Saudiya Arabistoni futbol federasiyasi portugaliyalik Krishtianu Ronaldu to‘p tepayotgan "An-Nasr"ning apellyasiyasi qanoatlantirilganini ma’lum qildi. Bu orqali klub uch ochkoni qo‘lga kiritadi va 2025/26 yilgi mavsumda Elit OCHLda ishtirok etish uchun da’vogarlik qilishi mumkin bo‘ladi.

Mart oyida "An-Nasr" "Al-Oruba"ga 1:2 hisobida yutqazdi, ammo keyin raqiblardan texnik mag‘lubiyatni talab qildi: mag‘lublarning so‘zlariga ko‘ra, darvozabon Rafi Al-Ruveyli professional o‘yinchi bo‘lmagani uchun o‘yinda qatnashish huquqiga ega emas edi.

Saudiya Arabistoni chempionatining so‘nggi turi oldidan qo‘shimcha uch ochko "An-Nasr"ni turnir jadvalida uchinchi o‘ringa olib chiqadi: bu holatda u "Al-Qodsiya"dan ikki ochko oldinda va ikkinchi o‘rindagi "Al-Hilol"dan ikki ochko ortda qoladi.

26 may kuni "An-Nasr" "Al-Fateh" bilan, "Al-Hilol" esa "Al-Qodsiya" bilan kuch sinashadi. Agar jamoa ikkinchi o‘rinni egallasa, 2025/26 yilgi mavsumda Elit OCHLda ishtirok etishi mumkin bo‘ladi.

"An-Nasr" OCHL-2024/25 yilgi mavsumida yarim finalga qadar yetib bordi va Yaponiyaning "Kavasaki Frontale" klubiga yutqazdi (2:3).