Таниқли инсайдер Фабрицио Романо "Манчестер Юнайтед" ҳужумчиси Маркус Рэшфорднинг "Барселона"га ўтиши ҳақида фикр билдирди.
Испания матбуоти хабарига кўра, ҳужумчи "кўк-анорранглилар" сафига ўтишни жуда хоҳламоқда ва вазият ойдинлашмагунча бошқа клубларга рад жавобини беришга тайёр.
"Барселона" вингерни ёзда ўз сафига қўшиб олмоқчи, аммо Рэшфорд ягона вариант эмас. Клубга Луис Диас ҳам ёқади, масалан. Менга Декунинг рўйхатида яна икки футболчи борлигини айтишди. Рэшфорднинг келишуви бугун ҳам, эртага ҳам, бир ҳафтадан кейин ҳам содир бўлмайди - буни унутинг," - дея Романонинг сўзларини келтиради Barca Universal.
Эслатиб ўтамиз, Маркус Рэшфорд 2024/25 йилги мавсумнинг иккинчи ярмини "Астон Вилла"да ижарада ўтказди.
