Стефано Пиоли Италияга қайтиши мумкинлиги ҳақидаги гап-сўзлар тобора кучайиб бормоқда.
"Ан-Наср" Саудия Арабистони чемпионатида учинчи ўринни эгаллади ва мураббийнинг клубдаги келажаги сўроқ остида қолмоқда. Инсайдер Николо Скиранинг янгиланган ҳисоботидаги маълумотларга кўра, куни кеча "Аталанта" Пиоли билан боғланган. Манбанинг таъкидлашича, "Милан"нинг собиқ раҳбари миш-мишларга қарамай, "Ювентус" ва "Рома"дан таклиф олмаган.
Стефано Пиоли "Ан-Наср"ни ўтган йилнинг сентябрь ойида қабул қилиб олганди. Унинг риёдликлар билан амалдаги шартномаси 2027 йилнинг ярмигача мўлжалланган.
