Football Benchmark Group агентлигининг 2025 йилги “Европанинг элит клублари баҳоланиши” ҳисоботига кўра, “Реал Мадрид” дунёнинг энг қиммат жамоаси сифатида тан олинди. Клубнинг корпоратив қиймати 6,3 миллиард еврога етди.

Кучли учликдан “Манчестернинг икки жамоаси — “Сити” ҳамда “Юнайтед” жой олган. Ҳар икки клубнинг ҳам қиймати 5 миллиард евродан юқори баҳоланган.

Кучли ўнликда энг катта йиллик ўсиш — “Арсенал”да. Лондон клубининг қиймати 29 фоизга ўсиб, 7-ўринга кўтарилди. “Челси”нинг даромади 8 фоиз пасайиб 10-ўринга тушиб кетди.

Европанинг энг қиммат 10 клуби:

 1. “Реал” (Испания) — 6,3 млрд евро
 2. “Манчестер Сити” (Англия) — 5,2 млрд евро
 3. “Манчестер Юнайтед” (Англия) — 5,1 млрд евро
 4. “Барселона” (Испания) — 4,5 млрд евро
 5. “Бавария” (Германия) — 4,3 млрд евро
 6. “Ливерпуль” (Англия) — 4,1 млрд евро
 7. “Арсенал” (Англия) — 3,9 млрд евро
 8. “ПСЖ” (Франция) — 3,8 млрд евро
 9. “Тоттенҳэм” (Англия) — 3,6 млрд евро
 10. “Челси” (Англия) — 2,9 млрд евро

Сўнгги 10 йилда Европанинг 32 та клубининг умумий қиймати 146 фоиз ошиб, 64,7 миллиард еврога етди. Шунингдек, “Реал Мадрид” операцион даромадлари, яъни телевизион ҳуқуқлар, реклама, чипта сотиш, клуб маҳсулотлари савдоси ва шунга ўхшаш тижорат фаолияти ортидан 1 миллиард евро фойда кўрган биринчи футбол жамоаси ҳисобланади.

Маълумот учун, Топ-10 дан жой олган жамоалар даромадининг ярмидан кўпи тижоратдан келса, кичикроқ клублар молиявий барқарорликни футболчилар савдоси орқали сақлаб қолмоқда, масалан, “Бенфика”, “Порту” ва “Аталанта”.