Yevropaning eng qimmat 10 ta klubi nomi ma’lum bo‘ldi

Football Benchmark Group agentligining 2025 yilgi “Evropaning elit klublari baholanishi” hisobotiga ko‘ra, “Real Madrid” dunyoning eng qimmat jamoasi sifatida tan olindi. Klubning korporativ qiymati 6,3 milliard yevroga yetdi.

Kuchli uchlikdan “Manchesterning ikki jamoasi — “Siti” hamda “Yunayted” joy olgan. Har ikki klubning ham qiymati 5 milliard yevrodan yuqori baholangan.

Kuchli o‘nlikda eng katta yillik o‘sish — “Arsenal”da. London klubining qiymati 29 foizga o‘sib, 7-o‘ringa ko‘tarildi. “Chelsi”ning daromadi 8 foiz pasayib 10-o‘ringa tushib ketdi.

Yevropaning eng qimmat 10 klubi:

 1. “Real” (Ispaniya) — 6,3 mlrd yevro
 2. “Manchester Siti” (Angliya) — 5,2 mlrd yevro
 3. “Manchester Yunayted” (Angliya) — 5,1 mlrd yevro
 4. “Barselona” (Ispaniya) — 4,5 mlrd yevro
 5. “Bavariya” (Germaniya) — 4,3 mlrd yevro
 6. “Liverpul” (Angliya) — 4,1 mlrd yevro
 7. “Arsenal” (Angliya) — 3,9 mlrd yevro
 8. “PSJ” (Fransiya) — 3,8 mlrd yevro
 9. “Tottenhem” (Angliya) — 3,6 mlrd yevro
 10. “Chelsi” (Angliya) — 2,9 mlrd yevro

So‘nggi 10 yilda Yevropaning 32 ta klubining umumiy qiymati 146 foiz oshib, 64,7 milliard yevroga yetdi. Shuningdek, “Real Madrid” operasion daromadlari, ya’ni televizion huquqlar, reklama, chipta sotish, klub mahsulotlari savdosi va shunga o‘xshash tijorat faoliyati ortidan 1 milliard yevro foyda ko‘rgan birinchi futbol jamoasi hisoblanadi.

Ma’lumot uchun, Top-10 dan joy olgan jamoalar daromadining yarmidan ko‘pi tijoratdan kelsa, kichikroq klublar moliyaviy barqarorlikni futbolchilar savdosi orqali saqlab qolmoqda, masalan, “Benfika”, “Portu” va “Atalanta”.