"Ньюкасл" ёзги трансферлар ойнасида таркибни кучайтириш бўйича режалар тузмоқда. Клуб Премьер-лиганинг икки футболчиси - "Кристал Пэлас" ҳимоячиси Марк Гехи ва "Брентфорд" ҳужумчиси Браян Мбеумога қизиқиш билдирмоқда, деб хабар беради Telegraph.
24 ёшли Гехи "Кристал Пэлас" сафида 2024/2025 йилги мавсумда 43 та ўйинда майдонга тушиб, 3 та гол, 2 та голли узатма ва 1 та қизил карточка қайд этган. Унинг барқарор ўйини ҳимоя чизиғини кучайтиришни ўйлаётган клуб эътиборини тортди.
Мбеумога келсак, у ҳам "қарғалар"нинг қизиқишлар доирасига киради, аммо унга "Манчестер Юнайтед" рақобатчи бўлиши мумкин. Ҳозирча ҳеч қандай расмий таклиф келиб тушгани йўқ. Камерунлик футболчи мавсумни "Брентфорд" сафида 41 та ўйинда 19 та гол ва 9 та голли узатма билан якунлади.
