Мадриднинг "Реал" клуби ўнг қанот ҳимоячиси Трент Александр-Арнольднинг эрта трансфери борасида "Ливерпуль" билан мулоқотни кучайтирди. Бу ҳақда The Guardian хабар бермоқда.

Футболчининг инглиз клуби билан амалдаги шартномаси июнь ойи охирида тугаса-да, "Реал" футболчини 15 июнда бошланиб, 13 июлда якунланадиган клублар ўртасидаги жаҳон чемпионати қайдномасига киритмоқчи. Манбага кўра, мадридликлар “Ливерпул”га 10 миллион евродан ошиши мумкин бўлган товон пулини тўлашга тайёр.

Олдинроқ Александр-Арнольд шартномаси якунлангач, жамоани тарк этишини расман тасдиқлаганди.