"Барселона"нинг бразилиялик вингери Рафинья Каталония клуби билан шартномасини узайтиргани ҳақида фикр билдирди. Томонлар 2028 йилнинг ёзига қадар янги шартнома имзолашди. Футболчининг аввалги шартномаси 2027 йилгача ҳисобланган эди.
"Келганимданоқ мақсадим шу эди: бу ерда кўп йиллар, эски шартномамда ёзилганидан ҳам кўпроқ вақт қолиш. Мен келган биринчи дақиқаданоқ бу ҳақда ўйладим. Лекин шартномани узайтириш учун яхши ўйин кўрсатишим ва ҳар бир ўйинда ва ҳар бир машғулотда боримни беришим кераклигини билардим.
Шартнома фақат бир йилга узайтириладими? Биз келишувга эришдик ва мен ҳам, клуб ҳам шундай йўл тутиш яхшироқ деган қарорга келдик. Агар яна шартномани узайтиришимиз керак бўлса, биз буни муаммосиз қиламиз", - деди Рафинья.
