Боксчимиз Муроджон Аҳмадалиев Мексиканинг Гвадалахара шаҳрида профессионал бокс оқшомида ўзининг навбатдаги баҳсини ўтказди.

Ушбу жанг оқшоми доирасида ҳамюртимиз Муроджон Аҳмадалиев мезбон Луис Кастилога қарши рингга кўтарилди. 
10 раундга мўлжалланган жанг муддатидан олдин якунланди. Муроджон жангнинг 8-раундида ғалаба қозониб, жангни ўз фойдасига ҳал этди. Кетма-кет зарбалар сериясидан сўнг рақиб фаол қаршилик кўрсата олмади ва ҳакам жангни тўхтатиб, техник нокаут қайд этди. 

Эндиликда Аҳмадалиев навбатдаги жангини сентябр ойида япониялик мутлақ жаҳон чемпиони Наоя Иноуэга қарши ўтказади.