«Барселона» ҳужумчи Кристиан Тельонинг шартномасига ўзгартириш киритмоқчи.
Клуб спорт директори Андони Субисаретта футболчининг агенти билан учрашди. Бу ҳақда Маrca хабар бермоқда.
Манбада айтилишича, футболчининг «Барселона» билан ҳозирги шартномаси 2016 йилга қадар амал қилади. Унинг трансфер баҳоси эса 10 миллион ерврони ташкил қилади. Клубдагиларнинг фикрига кўра Испания ёшлар терма жамоаси аъзоси учун бу кам экан.
Эндиликда Тельони сотиб олмоқчи бўлган клуб «Барселона»нинг ҳисоб рақамига 18 миллион еврони таб тортмай ўтказиб қўйиши керак бўлади.
Шу ўринда таъкидлаш жозики, футболчига «Боруссия Д», «Шальке» ва «Ливерпуль» жамоалари қизиқиш билдирмоқда.













