"Милан" "Челси" билан бир йилдан сўнг "россонерилар" билан шартномаси якунланадиган дарвозабон Майк Меньянни сотиш бўйича музокараларни давом эттирмоқда. Журналист Жанлука ди Марционинг маълум қилишича, италияликлар "Челси"нинг сўнгги 15 миллион евролик таклифини рад этишган.
Шунга қарамай, манбанинг маълум қилишича, битим тузиш учун 20 миллион етарли бўлиши мумкин. Трансферга Меньян "Милан"ни тарк этиб, Чемпионлар лигасида ўйнайдиган клубга боришга қатъий қарор қилгани ёрдам бермоқда.
29 ёшли Меньян 2021 йилда Франциянинг "Лилль" клубидан "Милан"га ўтганидан буён тўп тепиб келмоқда. Биринчи мавсумда Майк "россонерилар"га А Серияда ғалаба қозонишга ёрдам берди ва "Олтин қўлқоп"ни қўлга киритди.













