"Манчестер Сити" ярим ҳимоячи Жек Грилишни сотишни режалаштирган.
29 ёшли футболчи Хосеп Гвардиоланинг келажакдаги режаларида йўқ, шунинг учун "шаҳарликлар" англиялик учун трансфер таклифларини кўриб чиқишга тайёр. Аввал хабар қилинганидек, Грилишга "Эвертон" жиддий қизиқиш билдирмоқда.
Бундан ташқари, журналист Бен Жейкобснинг сўзларига кўра, "Тоттенхэм" футболчи билан шартнома имзолаш имкониятини кўриб чиқмоқда.
Ўтган мавсумда ҳужумкор ярим ҳимоячи "Манчестер Сити" сафида барча мусобақаларда 32 та ўйинда майдонга тушиб, 3 та гол урди ва 5 та голли узатмани амалга оширди.
