"Ювентус" бош мураббийи Игор Тудор аллақачон жамоани кучайтириш устида ишламоқда. Туринликлар раҳбарияти хорватиялик мураббий билан ҳамкорликни давом эттиришга қарор қилди - у тез орада 2027 йилгача мўлжалланган янги шартнома имзолайди.

Журналист Маттео Мореттонинг ёзишича, мутахассис дарвозабон позициясини кучайтиришни талаб қилмоқда: у жамоасига Микеле ди Грегорио билан рақобатлаша оладиган янги дарвозабон керак, деб ҳисобламоқда. Маттиа Перин катта эҳтимол билан "кекса синьора" сафини тарк этади.

Игор Тудор "Ювентус"ни шу йилнинг март ойида қабул қилиб олган эди. Унинг қўл остида "Бьянконери" А Серияда тўртинчи ўринни эгаллади.