"Лион" ҳужумкор ярим ҳимоячиси Тьяго Альмада "Милан" қизиқишлари доирасига тушиб қолди.

Француз клуби аргентиналикни январда "Ботафого"дан ижарага олганди - битим муддати июнь охирида тугайди. 24 ёшли футболчи Бразилияга қайтади, аммо у ерда қолиши даргумон - у Европага доимий равишда кўчиб ўтишни режалаштирмоқда. Журналист Руди Галеттининг ёзишича, "Милан" аллақачон Мадриднинг "Атлетико" клуби радарларидан ўрин олган Альмаданинг эҳтимолий трансфери ҳақида маълумот тўплаган.

Тьяго Альмада 2025 йилда Аргентина терма жамоаси сафида тўртта ўйинда иккита гол ва битта голли узатмани амалга оширди. Transfermarkt экспертлари баҳосига кўра, футболчининг нархи 25 млн еврони ташкил этади.