"Манчестер Юнайтед" клуби спорт директори Жейсон Уилкокс расман жамоага келиб қўшилган ҳужумчи Матеус Куньянинг трансферига баҳо берди.
"Матеус аллақачон Премьер-лиганинг энг самарали ва томошабоп ҳужумчиларидан бири сифатида ўзини кўрсатди. Унинг "Вулверхэмптон," аввалроқ Испания ва Германия чемпионатларидаги муваффақиятли ўйинлари ҳам шундан далолат беради. У бизнинг тасаввуримизга тўлиқ мос келади: шижоатли, техник, интилувчан, совринлар учун курашга йўналтирилган жамоанинг муҳим элементига айлана оладиган футболчи," - дея функционернинг сўзларини келтиради клуб расмий сайти.
26 ёшли бразилиялик "МЮ" билан 2030 йилнинг ёзига қадар шартнома имзолади ва уни автоматик равишда яна бир мавсумга узайтириш имкониятига эга.
