Бразилия терма жамоаси ва Мадриднинг "Реал" клуби форварди Родриго ёзги трансфер ойнасида клубини ўзгартириши мумкин, дея хабар бермоқда Todofichajes портали.
Манбага кўра, 24 ёшли футболчини Англия Премьер-лигасининг бир қатор вакиллари ўз сафига қўшиб олмоқчи. Юлдуз футболчи учун курашда Лондоннинг "Арсенал," "Манчестер Сити" ва "Челси" клублари қатнашади. "Реал" Родригонинг эҳтимолий трансферини 100 миллион еврога баҳоламоқда.
Ҳужумчи Ла Лиганинг ўтган мавсумида 30 та ўйинда майдонга тушиб, 6 та гол урди ва 5 та голли узатмани амалга оширди. Клуб ва футболчи ўртасидаги амалдаги шартнома 2028 йилнинг ёзида ўз ниҳоясига етади.
