Амстердамнинг "Аякс" клуби ҳимоячиси Йоррель Хато Лондоннинг "Арсенал" клуби аъзосига айланиши мумкин, деб хабар беради Teamtalk.
Манбага кўра, "канонирлар" 19 ёшли футболчининг трансфери бўйича музокараларда жиддий олдинга силжишди. Лондонликлар Хатога олти йилга мўлжалланган узоқ муддатли меҳнат шартномасини таклиф қилишди. "Аякс" эса ҳимоячини сотишдан тахминан 50 миллион евро ишлаб олмоқчи.
Ўтган мавсумда Йоррель "Аякс" сафида 50 та ўйин ўтказиб, 3 та гол урди ва 6 та голли узатмани амалга оширди. Истиқболли ҳимоячининг амстердамликлар билан шартномаси 2028 йилнинг ярмигача мўлжалланган.
