"Манчестер Юнайтед" Франкфуртнинг "Айнтрахт" клуби ҳужумчиси Уго Экитике учун курашда рақибларини ортда қолдирмоқда.
22 ёшли футболчини "Ливерпуль" ва "Челси" ҳам ўз сафига қўшиб олмоқчи, аммо айнан "қизил иблислар" бу борада аниқ фикрга эга. Bild хабарига кўра, "Манчестер Юнайтед" бугунги кунда "Айнтрахт" билан француз бўйича музокаралар олиб бораётган ягона клуб ҳисобланади. Ҳужумчининг ўзи манкунианликлар сафига ўтмоқчи.
Transfermarkt экспертлари Уго Экитикени 75 млн еврога баҳоламоқда, аммо "Айнтрахт" 100 млн евро сўрамоқда. Ўтган мавсумда футболчи 48 та ўйинда 22 та гол ва 12 та голли узатмани амалга оширди.













