Лондоннинг "Арсенал" клуби ёзги трансферлар вақтида ҳимоячи Александр Зинченкони сотиб юбориш ҳақида ўйламоқда.
Corriera dello Sport нашрининг ёзишича, инглиз клуби украиналик футболчининг трансфер қийматини 10 миллион евро этиб белгилаган. Зинченкога асосий даъвогарлардан бири Италиянинг "Милан" клуби бўлди. "Россонерилар" раҳбарияти аллақачон "Арсенал" билан футболчининг трансфери бўйича расмий музокараларни бошлаб юборган.
Украиналик футболчи лондонликлар сафида 2022 йилнинг ёзидан буён тўп тепиб келмоқда. Якунланган мавсумда Зинченко барча турнирларда 23 та ўйин ўтказиб, битта гол урди ва бир марта шеригига гол уришга ёрдам берди.













