Ҳужумкор ярим ҳимоячи ва "Краснодар" сардори Эдуард Сперцян Европанинг кўплаб жамоаларида қизиқиш уйғотмоқда.
Armenie Football хабарига кўра, Нидерландиянинг "Аякс" ва Италиянинг "Лацио" клублари ёзги трансфер ойнасида Сперцянни сотиб олишга уриниб кўрадиган кўплаб клублардан бири ҳисобланади.
Аввалроқ, 25 ёшли футболчига "Лидс", "Ланс", "Севилья" ва "Порту" клублари қизиқиш билдираётгани ҳақида хабарлар тарқалган эди.
Ўтган мавсумда Сперцян барча мусобақаларда 35 та ўйинда майдонга тушиб, 11 та гол урган ва 7 та голга ҳаммуаллифлик қилган.













