Мадриднинг "Реал" клуби жорий мавсумда ҳам пенальтилар аниқлигида муаммоларга дуч келишда давом этмоқда.

Клублар ўртасидаги жаҳон чемпионатидаги илк ўйинида Хаби Алонсо жамоаси "Ал-Ҳилол" билан дуранг ўйнади - 1:1. Учрашувнинг 92-дақиқасида "Реал" ярим ҳимоячиси Федерико Вальверде 11 метрлик жарима зарбасини голга айлантира олмади: Саудия клуби дарвозабони Яссин Буну йўналишни топди ва тўпни қайтарди.

Журналист Педро Мартиннинг маълумотига кўра, бу мадридликларнинг мавсумдаги 19-пенальтиси бўлди. Улардан фақат 12 таси гол билан якунланди, еттита уриниш муваффақиятсиз бўлди - пенальтидан фойдаланиш кўрсаткичи тахминан 63 фоизни ташкил этди.