Мадриднинг "Реал" клуби дарвозабони Тибо Куртуа марказий ҳимоячи Дин Хёйсен ҳақида фикр билдирди.
20 ёшли испаниялик футболчи клублар ўртасидаги жаҳон чемпионати бошланишидан олдин Англиянинг "Борнмут" клубидан "қаймоқранглилар" сафига қўшилди.
"Биз деярли ҳар доим голландча гаплашамиз, бу табиий ҳол. У ажойиб марказий ҳимоячи, унинг бўйи ҳам менга ёқади. Дин биринчи ўйинда ўзини яхши кўрсатди, аммо мослашиш вақт талаб қилади. У ақлли футболчи ва ишончим комилки, у "Реал"да порлайди," - дея Куртуанинг сўзларини келтиради Madrid Universal.













