Туриннинг "Ювентус" клуби хавбеки Николас Гонсалес Италия А Сериясини Англия Премьер-лигасига алмаштириши мумкин. Бу ҳақда инсайдер Сабастьен Видаль хабар бермоқда.
27 ёшли аргентиналик футболчини Лондоннинг "Вест Хэм" клуби ўз сафига қўшиб олмоқчи. "Кекса синьора" ёзда Гонсалес учун 26 миллион евро таклиф қилинса, у билан хайрлашишга тайёр. Николас "болғачилар" сафида АПЛнинг бир қатор клублари қизиқиш билдираётган Муҳаммад Кудуснинг ўрнини эгаллаши мумкин.
Ўтган мавсумда Гонсалес 35 та ўйинда қатнашиб, бешта гол урди ва тўртта голли узатмани амалга оширди. Футболчининг меҳнат шартномаси 2028 йилгача мўлжалланган.
