"Интер Майами" бош мураббийи Хавьер Маскерано клублар ўртасидаги жаҳон чемпионати гуруҳ босқичи 3-туридан ўрин олган "Палмейрас"га қарши ўйин (2:2) натижаларини сарҳисоб қилди. Америка клуби турнирнинг плей-офф босқичига чиқди.
"Биз томондан ажойиб ўйин бўлди. Жанубий Американинг энг яхши жамоаларидан бирига қарши ўйнаш жуда қийин. Балки, якунда ўйин ўз қўлимизда бўлгандир, шунинг учун ҳис-туйғулар бироз ўзгача. Лекин агар турнир бошланишидан олдин шундай рақибларга қарши шундай ўйин кўрсатамиз, деб айтишса, мен дарҳол рози бўлардим.
Бу МЛС учун тарихий кеча – биз дунёнинг энг яхши 16 жамоаси қаторига кирдик ва бутун лига "Интер Майами" билан фахрланиши керак", — деди Маскерано ФИФА расмий сайтига.
"Интер Майами" клублар ўртасидаги жаҳон чемпионати 1/8 финалида "ПСЖ"га қарши ўйнайди.
