“Ал-Ҳилол” жамоасида тўп тепаётган Рубен Невеш “Манчестер Сити”га қарши 2025-йилги клублар ўртасидаги жаҳон чемпионати 1/8 финал ўйинидан умидлари билан ўртоқлашди.
Турнир матбуот хизматига берган изоҳида 28 ёшли ярим ҳимоячи жамоа аввалги гуруҳ босқичи ўйинларидагидек аҳиллик билан ҳаракат қилиши кераклигини таъкидлади.
"Биз фақат жамоа бўлиб ўйнашимиз керак. Буни аллақачон "Реал" ва "Пачука" билан ўйинларда кўрсатганмиз.
"Сити" билан учрашув катта муаммо. Улар дунёнинг энг кучли учта жамоасидан бири. Мен уларнинг ўйинчилари, мураббийлари ва айрим йигитларини Англиядаги ўйинларидан яхши биламан. Улар билан ҳар доим қийин бўлган. Аммо тайёр бўлиш учун қўлимиздан келганини қиламиз", - деди Невеш.
