Мюнхеннинг "Бавария" клуби ҳужумчиси Томас Мюллер футболдаги келажаги ҳақида фикр билдирди. Тажрибали ўйинчи Германия грандини тарк этгач, бутсаларини михга илиши мумкинлигини истисно қилмайди.
"Эҳтимол, мен фаолиятимни якунлашга қарор қиларман. Бундай вариантни истисно қилмайман. Ҳозирча "Бавария" билан июль ойи охиригача амалдаги шартномам бор. Мен хотиржамман," - дея 35 ёшли форварднинг сўзларини келтиради DAZN.
Эслатиб ўтамиз, Мюллер 2009 йилдан буён "Бавария" шарафини ҳимоя қилиб келмоқда.













