АЗ Алкмаар клуби марказий ярим ҳимоячиси Кес Смит Мадриднинг "Реал" клубига ўтиши мумкин. Бу ҳақда Diario AS хабар бермоқда.
Манбага кўра, "Реал" 19 ёшли футболчига катта қизиқиш билдирмоқда. Шу билан бирга, Смитнинг ўзи ҳам "Реал"га ўтишни орзу қилаётгани таъкидланган. Бундан ташқари, яқинда футболчи кўчада "қаймоқранглилар" либосида суратга тушган.
2024/25 йилги мавсумда Смит барча турнирларни ҳисобга олган ҳолда 43 та ўйинда майдонга тушиб, ўнта гол урди ва еттита голли узатмани амалга оширди.













