"Лос-Анжелес" расмий сайти Италия терма жамоасининг собиқ ҳимоячиси Жоржо Кьеллини клуб хўжайинлари гуруҳига қўшилганини эълон қилди.
"Лос-Анжелес" хўжайинлари гуруҳига қўшилиш мен учун катта шараф. Уч йил олдин бу ерга футболчи сифатида келганимда, бу клубда қандайдир ўзига хослик борлигини дарҳол ҳис қилганман. Бу таниқли инсонлар томонидан яратилган ва ҳамжамият томонидан қўллаб-қувватланадиган улкан ташкилот бўлиб, у сизни ҳақиқатан ҳам ўз уйингиздагидек ҳис қилишга ундайди. Шунинг учун ўтган йили мен мулкдор бўлиш истагини билдирдим ва энди бу йўлни давом эттираётганимдан ва ўзим чуқур ишонадиган лойиҳани қўллаб-қувватлаётганимдан фахрланаман," - деди Кьеллини.
40 ёшли италиялик 2023 йилда "Лос-Анжелес"да футболчилик фаолиятини якунлади. 2024 йилда у клубда ривожланиш бўйича мураббий бўлиб ишлаган.
