“Шўртан”га бефарқ бўлмаган мухлислар Виктор Алешкниковни яхши танишади. У киши кеча ўз таваллуд айёмини нишонлади, яъни 64 ёшни қарши олди. Бугунги кунда “Шўртан ”футбол клубида методист-мураббий сифатида ишлаб келаётган Виктор Георгевич ҳаётининг катта қисмини футболга бағишлаб келмоқда десак янглишмаймиз.

Виктор Георгевич 1949 йилнинг 26 июнида Россиянинг Хабаровск ўлкасида туғилган. Ҳозир эса Сурхондарё вилоятининг Жарқўрғон туманида истиқомат қилади. Маълумоти: ўрта-махсус. 1974 йил Тожикистон жисмоний-тарбия техникумини тугатган. Шунингдек, “В” лицензиясига эга.

Виктор Алешников “Шўртан”да дастлаб 2002-2003 йилларда фаолият олиб борди. Шундан сўнг маълум муддат бошқа жойларда ишлади ва 2008 йил яна “Шўртан”га қайтиб, шундан бери мураббийлик соҳаси билан шуғулланиб келяпти.

Шу ўринда биз Виктор Алешниковни 64 ёшни қарши олгани билан клуб раҳбарияти ва мураббийлар номидан табриклаб қоламиз ҳамда у кишига узоқ-умр, сиҳат-саломатлик тилаймиз.