"Барселона" спорт директори Деку ўнг қанот ҳимоячиси Жюль Кунде билан янги шартнома имзолаш устида ишламоқда.

Французнинг амалдаги келишуви 2027 йилнинг ўрталарида ўз ниҳоясига етади ва "кўк-анорранглилар" раҳбарияти футболчи билан янги битим тузмоқчи. Испаниядаги манбаларнинг маълум қилишича, Деку аллақачон 26 ёшли футболчининг агенти билан учрашиб, меҳнат шартномасини узайтириш масаласини муҳокама қилган.

Жюль Кунде ўтган мавсум Ханс-Дитер Флик жамоаси сафида 53 та ўйинда майдонга тушиб, 4 та гол ва 8 та голли узатмани ўз ҳисобига ёздириб қўйди. Ҳимоячи 2022 йилнинг июлида "Севилья"дан каталонияликлар сафига қўшилганди.