"Barselona" sport direktori Deku o‘ng qanot himoyachisi Jyul Kunde bilan yangi shartnoma imzolash ustida ishlamoqda.

Fransuzning amaldagi kelishuvi 2027 yilning o‘rtalarida o‘z nihoyasiga yetadi va "ko‘k-anorranglilar" rahbariyati futbolchi bilan yangi bitim tuzmoqchi. Ispaniyadagi manbalarning ma’lum qilishicha, Deku allaqachon 26 yoshli futbolchining agenti bilan uchrashib, mehnat shartnomasini uzaytirish masalasini muhokama qilgan.

Jyul Kunde o‘tgan mavsum Xans-Diter Flik jamoasi safida 53 ta o‘yinda maydonga tushib, 4 ta gol va 8 ta golli uzatmani o‘z hisobiga yozdirib qo‘ydi. Himoyachi 2022 yilning iyulida "Sevilya"dan kataloniyaliklar safiga qo‘shilgandi.