"Галатасарой" ва "Наполи" яна ҳужумчи Виктор Осимхеннинг трансфер шартлари бўйича келиша олмади.
Турк клуби 26 ёшли футболчи учун талаб қилинган 75 млн еврони тўлашга тайёр, аммо клублар тўловлар таркибини келиша олмаяпти. Инсайдер Фабрицио Романонинг хабар беришича, "Наполи" бирданига 40 миллион евро ва 2026 йилгача яна 35 миллион олишни истаган, шунингдек, итальян гранди форварднинг келажакдаги қайта сотувидан фоиз олишни мўлжаллаган. "Галатасарой" бундай сўровни қондирмади: Истанбулликлар сумманинг бир қисмини - 35 миллион еврони 2027 йилгача бўлиб тўламоқчи, шунингдек, кейинги сотишда фойдани бўлишмоқчи эмас.
Музокаралар давом этмоқда. Нигериялик футболчининг ўзи "Галатасарой"га розилик билдирган.













