"Манчестер Юнайтед" вингери Алехандро Гарначо фаолиятини бошқа клубда давом эттириши мумкин, деб хабар беради TBR Football.
Манбага кўра, 21 ёшли аргентиналик футболчига "Челси" даъвогарлик қилмоқда. Лондон клуби январь ойидаёқ дастлабки музокараларни ўтказган ва футболчига ҳозир ҳам фаол қизиқиш билдирмоқда.
Гарначо 2024/25 йилги мавсумда "Манчестер Юнайтед" сафида 58 та ўйинда майдонга тушиб, 11 та гол урди ва 10 та голли узатмани амалга оширди. Унинг клуб билан шартномаси 2028 йилнинг 30 июнига қадар амал қилади. Transfermarkt портали футболчининг трансфер қийматини 45 миллион еврога баҳолаган.
