Украина футбол ассоциацияси президенти ва "Челси"нинг собиқ ҳужумчиси Андрей Шевченко жамоани клублар ўртасидаги жаҳон чемпионатидаги ғалаба билан табриклади.
"Челси"ни клублар ўртасидаги жаҳон чемпионати - 2025 ғалабаси билан табриклайман! Клуб, футболчилар ва мухлислар учун катта ютуқ. Собиқ жамоаларимдан бирини жаҳон футболи чўққисида кўришдан фахрланаман.
Бу лаҳзадан завқланинг - сиз бунга лойиқсиз! ФИФА президенти Жанни Инфантино, сиз билан учрашганимдан ва MetLife стадионида кўплаб дўстлар ва афсоналар билан кўришиш имкониятига эга бўлганимдан хурсандман," - деб ёзди Шевченко ўзининг ижтимоий тармоқлардаги саҳифасида.
Эслатиб ўтамиз, "Челси" ҳал қилувчи баҳсда "Пари Сен-Жермен"ни 3:0 ҳисобида мағлуб этганди.
