"Барселона" дарвозабони Марк-Андре тер Штеген Каталония клубини тарк этиши мумкин.
Diario Sport нашри хабарига кўра, Туркиянинг "Галатасарой" клуби 33 ёшли германиялик посбонга "Барселона"дагидан кўра кўпроқ маошли 4 йиллик шартнома таклиф қилган. Бироқ, "Галатасарой" муҳим шартни қўйди - клуб тер Штегенни фақат текин трансфер эвазига ўз сафига қўшиб олишга тайёр.
Тер Штеген "Барселона"да 2014 йилдан буён ўйнаб келмоқда. Ўтган мавсумда дарвозабон барча турнирларда 9та ўйинда майдонга тушиб, 11та гол ўтказиб юборган. Футболчининг клуб билан шартномаси 2028 йилгача мўлжалланган. Бироқ, Жоан Гарсияни сотиб олганидан сўнг, "кўк-анорранглилар" немис дарвозабонини ўз режаларига киритмаяпти.
