"Интер Майами" бош мураббийи Хавьер Маскерано жамоасининг Америка МЛС чемпионатининг навбатдаги тур доирасида "Цинциннати"дан меҳмонда учралган мағлубиятидан (0:3) сўнг ўз фикрларини билдириб ўтди.
"Мен тиббиёт мутахассиси эмасман, лекин жамоамиз бутун мавсум давомида мушаклари жароҳатидан азият чекаётганидан жуда хавотирдаман. Охирги бир ярим ойдаги ўйинларнинг шиддати жуда ва жуда юқори бўлди. Кўриниб турибдики, жароҳатлар ўйинимизни издан чиқара бошлаган ва биз бунга ечим излашимиз керак. Албатта, йўқотишлар ҳақида қайғураман, айниқса бугун рақиб биздан устун бўлганида", - деди Маскерано ESPN билан суҳбатда.
2025 йил июнь ойида "Интер Майами" клублар ўртасидаги 2025 йилги Жаҳон чемпионатида иштирок этиб, 1/8 финалга чиқди ва бу босқичда бўлажак финалчи "ПСЖ"га 0:4 ҳисобида ютқазди.
