Лионель Месси сўнгги бир неча ой ичида МЛСда ажойиб ўйин кўрсатмоқда. Бугун 38 ёшли ҳужумчи навбатдаги дублини расмийлаштирди, шунингдек, унинг ҳисобида битта самарали пас бор. Майамиликлар "Нью-Йорк Ред Буллз"ни 5:1 ҳисобида мағлуб этди.

Шу тариқа, аргентиналик футболчи сўнгги еттита ўйинда жамоасининг 17 та голида бевосита иштирок этди - 12 та гол ва 5 та голли узатма. Бир ўйинда ўртача 2,4 та голли ҳаракат.

Месси "Нэшвилл" аъзоси Сем Сарриж билан бирга МЛСнинг жорий мавсумдаги тўпурарлар рейтингида етакчилик қилмоқда - иккаласи ҳам 18 та гол урган, инглиз 24 та, Месси эса 18 та учрашув ўтказган.