"Арсенал" бош мураббийи Микель Артета клубнинг ёзги трансфер бозоридаги ишлари ҳақида гапирди.
"Канонирлар" сафига Мартин Субименди, Нони Мадуэке, Кристиан Нёргор ва Кепа Аррисабалагалар қўшилишди - харидларнинг умумий қиймати деярли 150 миллион еврони ташкил қилди.
"Рақамлар бўйича биз жуда кичик таркибга эгамиз. Лекин ҳали вақт бор ва трансфер даврининг қолган кунларида жамоани кучайтира оламиз деб умид қиламиз", - дейди Артета.
"Арсенал" узоқ вақтдан бери Лиссабоннинг "Спортинг" клуби билан ҳужумчи Виктор Дьёкереш борасида музокаралар олиб бормоқда, бироқ яқинда мунозаралар боши берк кўчага кириб қолди - келишув барбод бўлиши мумкин.
