"Арсенал" бош мураббийи Микель Артета Лиссабоннинг "Спортинг" клуби ҳужумчиси Виктор Дьёкерешнинг трансфери ҳақида фикр билдирди.
Тахминан бир ҳафта олдин турли нуфузли манбалар швециялик ҳужумчининг трансферини амалга оширилган келишув деб ҳисоблаш мумкинлигини хабар қилишганди, бироқ клублар келишувнинг якуний тафсилотлари бўйича келиша олмади - музокаралар боши берк кўчага кириб қолди.
Куни кеча 27 ёшли футболчини "Манчестер Юнайтед" қўлга киритиши мумкинлиги ҳақида хабар пайдо бўлди.
"Мен ҳали жамоамизда ўйнамаётган футболчилар ҳақида изоҳ бера олмайман", деди Артета матбуот анжуманида Дьёкереш ҳақидаги саволга жавоб бериб. "Ҳозирча" сўзи "канонирлар" мухлисларига бироз оптимизм қўшди, аммо вазият ноаниқлигича қолмоқда.
